Malsawm tura Anchhe dawng - Free Audio Zirlai

Hengte hi Bible thu tlangpui zirna course atanga, “Malsawm tura Anchhe Dawng” tih a thlawna audio hmanga zirlaite an ni.

Students enjoying learning with Cursed to Bless

(912) 370-3508 864-449-4020

He audio zirlaite hi a thlawnin I download thei a, a thlawnin i theh darh thei bawk a ni. (mahse khawngaih takin tidanglam suh ang che). Tin, group anga zir zawh theih a ni bawk a ni. (He free audio zirlaite hi tanpuitu tha tak an ni a, mahse buatsaihtute hnen atangin tanpuina emaw, certificate emaw, tih tel a ni lo. Zirlai tanpuitu leh certificate i dawng duh a nih chuan hming i inziah luha fee i thun a ngai a ni.) Hming I ziah luhna hian I awmna hmuna kaihruaitu leh I zir tawhna ah Australia atanga hriatpuina leh nemnghehna a pe ang che.

"Malsawm tura Anchhe Dawng” tih hi Tluanga chanchin a ni a. Ani chuan nun nuam zawk beisei avangin thingtlang khua chhuahsana khawpui lam pan a ni. Mahse, a beisei angin hna a hmu mai lova, nunkawng harsa tak chu a hmachhawn mek a ni. A nunah chuan rinhlelhna lo lutin a nuna rintlak tak Krista pawh chu a lo ringhlel zo ta. Mi zawng zawngte Pathianin mal a sawma engvang nge a nunkawng chu anchhedawng ang maia harsa a nih? Pathian chuan chhanchhuahna a tiam si a, mahse a phurte erawh a rit em em thung si. Chutiang a nih chuan, Pathian thua malsawmna leh chhanchhuahna te hi a ring ngam tak tak thei dawn em ni, nge chu anchhia lak atang chuan a talchhuah theih nan amah hian a bei tang tang zawk dawn?

Zirlai Pumpui (Episode 1-10) Thuhmahruai

3. “Malsawm tura Anchhedawng” tih hi bung 10-a inthen Bible Zirna Lemchanna/drama a ni. He zirlaiah hian Bible zirtira chhung lairil ber te leh Bible hi enge a nih tih kan zirho dawn a ni. Bible hi chanchin ziahna bu a ni a. Kan Lal leh Chhandamtu, kan Pathian Ropui chanchin ziahna a nih vang hian mi chophur thei tak chanchin ziahna bu a ni bawk a ni. Tin, Bible ah hian thil chi hrang hrang leh peng tam tak awm mahsela, anihna takah chuan chanchin pakhat, Krista Pathian chanchin chauh ziahna bu a ni, a ni chu a pawimawh ber leh a changtupa ber pawh a ni a. Bung 10 kan zirzawh hnuah chuan kan Bible hriat dan leh Isua Krista Chanchin kan lo hriat dan te pawh kha a lo that tawh zawk ngei a rinawm a ni. Tichuan,Pathianin khawvel tana a thil tum leh kan tana a thiltumte chu kan hrethiam thei tawh dawn a ni. Chutiang a nih hnuah chuan Pathian tan kan lo tangkai thei tawh zawk ang a. Kan chantawkah lungawi hna thiamin, Setana thlemna kawng tinreng pawh kan lo hmachhawn thei tawh zawk dawn a ni.

Sturnus

Zirlai 01: Pathian chu min siamtu a ni

Aw le, “Malsawm tura Anchhedawng” tih zirna bung khatna atangin ka lo lawm a che. Pathian hi min siamtu leh kan chunga thuneitu a nih zia kan zir dawn a. Kan Bible chang chhiartur pawh Bible chhunga hmasa ber Genesis Bung 1na a ni dawn a ni. Hei hian Pathian chu Khawvel leh a chhunga awm zawng zawngte siamtu a nih zia min zirtir a. Chu thutak chu Bible pumpui inngahna pawh a ni bawk a ni. A nih chuan, min siamtu chu Pathian a ni kan tih hian kan nuna enge chhan a neih le? Chu chiah chu he bung (episode) ah hian kan ngaihtuah ho dawn a ni.

Download

Zirlai 02: Pathian chuan thil a titheiin a thilsiamte chu an tha em em a ni

Zirlai hnuhnung ber Genesis bung 1-na atang khan Pathian chu min siamtu leh kan chunga thuneitu anih zia kan zir a. Vawiin ah erawh Genesis bung 2-na atangin, Pathian thiltih theihna leh a thilsiam zawng zawngte an that zia kan zir ho dawn a ni.

Download

Zirlai 03: Pathian Thu Kan Awih Lohna Vanga Engkim Chhiat Vekna

Zirlai hnuhnung ber Genesis bung 2-na atang khan Pathian chu thiltithei tak a nih thu leh thil engkim tha taka a siam thu kan zir a. Vawiin ah erawh Genesis bung 3-na atangin, Pathian thu kan awih loh avanga thil engkim a lo chhiat tak thu kan zirho dawn a ni.

Download

Zirlai 04: Malsawm leh tura Pathian Thu Tiamna

Zirlai hnuhnung ber Genesis bung 3-na atang khan Pathian thu kan awih loh avanga thil engkim a lo chhiat tak thu kan zir a. Vawiin ah erawh Genesis bung 12-na atangin, Pathianin min beidawn san mai loh bakah he khawvel a siamthat leh tur thu a tiamna chanchin lawmawm tak kan hria a. Ani chuan mal min la sawm dawn a ni.

Download

Zirlai 05: Pathian chuan a thutiamte leh a kawng chu ama hunah zel a tihlawhtling thin

Malsawm tura Anchhedawng zirlai kan zirtawh chinah Pathian chuan a thu chhuak thiltithei tak hmangin he khawvel hi tha taka a siam thu kan zir tawh a. Mihringte chuan thu an awih lohna avangin he khawvel hi an ti chhe vek a, Pathianin khawvel chu anchhia a lawh ta a ni. Mahse, Pathian chuan Abrahama hnenah a mah kaltlanga khawvel mal a sawm leh tur thu a tiam leh a. Vawiinah chuan Gensis Bung 15 atanga Bung 18 atangin Pathian chuan a thutiamte leh a kawng chu ama hunah zel a tihlawhtling thin tih kan zirho dawn a ni.

902-343-3008

Zirlai 06: Pathian chu Thawh lehna Pathian a ni

Malsawm tura Anchhedawng zirlai kan zirtawh chinah a tirin Pathianin he khawvel hi tha takin a siam a, mahse mihringten a thu an awih loh avangin khawvelah anchhia a lo thleng ta a ni tih kan zir tawh a. Mahse, anchhia chu tiletling leh turin Pathianin Abrahama thu a tiam a. Pathian chuan ama kawng leh ama hunah khawvel hi mal a sawm dawn a ni. Vawiinah chuan Genesis Bung 22 atangin Pathian chu mitthi kaithotu Pathian anih zia kan zir dawn a. Thawh Lehna hi Pathianin khawvela malsawmna a rawn thlen dan inghahna laipui ber a ni bawk a ni.

Download

Zirlai 07: Pathian Thu kan awih famkim theih loh vangin Anchhe dawng kan ni

Malsawm tura Anchhedawng zirlai kan zirtawh chinah, Pathian do zawnga kan helna avangin ani chuan khawvelah anchhia a rawn thlen thu kan zir tawh a. Mahse, anchhia chu tiletlinga khawvel malsawm leh turin Pathianin Abrahama thu a tiam a. Pathian chuan ama kawng leh ama hunah zel a thawk dawn ani. Tin, halral thilhlan leh thawhlehna pawh hi Pathianin khawvel mal a sawmna kawng pakhat a nih zia kan zir tawh bawk a ni. Vawiin ah chuan Deuteronomy bung 28-na atangin- Pathianin Israel mite hnenah a thu an awih phawt chuan malsawmna ropui tak takte leh a thu an awih loh erawh chuan anchhe rapthlak tak takte a tiam thu kan zir dawn a ni.

919-635-5340

Zirlai 08: Pathianin Thuthlung tha zawk leh thar a tiam

Malsawm tura Anchhe dawng zirlai kan zirtawh chinah, “Amah do zawnga kan sualna avangin keimahni leh khawvel chu Pathianin anchhia lawh tawh mahse, Amah Pathian vekin Abrahama hnena thutiam a siam leh avang hian mal min sawm a la duh zia a lantir a ni tih” kan zir tawh a. Pathian chuan malsawmna chu ama kawng leh ama hunah zel a rawn thlentir dawn tih leh chutah chuan inthawina leh thawhlehna a tel tih pawh Abrahama chuan a hre bawk a ni. Kar kaltaa kan zirlaiah khan, “Pathianin Israelte chu - ama thu an awih phawt chuan malsawmna ropui tak takte a tiama, mahse a thu an zawm theih loh vangin an chungah Pathian anchhia a rawn thlen thu” kan hmu. Vawiinah chuan, “Pathianin Israel mite leh keimahni tan pawh thuthlung thar hlak min pe a, chu chu kan pawm chuan ngaihdamna leh thinglung thar min thlen dawn a ni” tih thu Jeremia Bung 31-na atangin kan zirho dawn a ni.

Download

Zirlai 09: Pathian thuthlung thar hi a tha zawk em em a ni

Coming soon

2095746361

Zirlai 10. (Coming soon)